Siste dag før reisen!

I morgon tidleg dreg vi! Det er spanande, skummelt og gledeleg å tenkje på. Akkurat no stressar eg med pakkinga; "Kva skal eg ha med og kva skal eg ikkje ha med?" Det er mykje som skal gjerast før ein dreg på ein slik tur og stresset byggjer seg opp. Tankane svirrar rundt alle aspekt ved turen og spenninga stig og stig i meg for kvar dag som går. Tenk at vi snart skal komme til Jerusalem, Betlehem, Beit Sahour, Nasaret og Dødehavet. Vi skal oppleve, reflektere over og sjå på nært hald korleis menneske har det og lever i dette konfliktfylte området. Samstundes skal vi glede oss over møte med nye menneske og det nydelege landet vi skal vitje. Eg kjenner sommarfuglane flakse rundt i magen min. Dette vert ein bra tur!